Ravindra Jadeja: જાડેજાએ એવું તે શું કર્યું કે ગંભીર ગંભીર મુદ્રામાં બેઠેલો ગૌતમ ગંભીર હસી હસી ને લોટપોટ થઈ ગયો?
Ravindra Jadeja: કોલંબોમાં ટીમ ઇન્ડિયાના કેમ્પમાં અત્યારે ઈજાગ્રસ્ત ખેલાડીઓના કારણે થોડું ટેન્શનનું વાતાવરણ છે. ટીમના એક પછી એક ખેલાડીઓ ઈજાને કારણે મેદાનથી દૂર છે. બીજી તરફ ટેસ્ટ અને વન-ડે ટીમનો કેપ્ટન શુભમન ગિલ પણ હાથની આંગળીની ઈજામાંથી બહાર આવી રહ્યો છે. આવી સ્થિતિ વચ્ચે શ્રીલંકામાં ચાલી રહેલી તૈયારીની મેચ દરમિયાન Ravindra Jadejaએ કંઈક એવું કર્યું કે ટીમના હેડ કોચ ગૌતમ ગંભીર પણ પોતાનું હાસ્ય રોકી શક્યા નહીં.
શનિવારે શ્રીલંકા ક્રિકેટ ઇલેવન સામેની વૉર્મ-અપ મેચ દરમિયાન જાડેજા ડ્રેસિંગ રૂમની બાલ્કનીમાં બેઠો હતો. તેની સાથે હેડ કોચ ગૌતમ ગંભીર અને ટીમના અન્ય સભ્યો પણ હાજર હતા. આ દરમિયાન જાડેજાએ સાથી સ્પિનર કુલદીપ યાદવની બોલિંગ ઍક્શનની એવી મજેદાર નકલ કરી કે ત્યાં બેઠેલા સૌના ચહેરા પર હાસ્ય આવી ગયું.
Ravindra Jadejaએ કરી કુલદીપ યાદવની નકલ
Jadeja mimicking Kuldeep 😂
— Kaushy (@kaushyy14) August 8, 2026
Wait For Gambhir Reaction #INDvsSL #TestCricket #CricketIndia #RavindraJadeja #TeamIndia pic.twitter.com/Mg1T0NLMQG
Ravindra Jadeja સામાન્ય રીતે મેદાન પર પોતાની આક્રમક રમત અને મસ્તીભર્યા અંદાજ માટે જાણીતો છે, પરંતુ તેની અંદર આટલી સારી મિમિક્રીની કળા પણ છે એ વાત કદાચ ઘણા ચાહકોને પહેલીવાર જોવા મળી.
જાડેજાએ કુલદીપ યાદવની બોલિંગ કરવાની સ્ટાઇલની એકદમ નકલ કરી. તેણે કુલદીપની જેમ બોલિંગ ઍક્શન કરીને સાથી ખેલાડીઓનું મનોરંજન કર્યું. જાડેજાની આ મજાક ત્યાં હાજર લોકો માટે હાસ્યનું કારણ બની હતી.
આટલું જ નહીં, જાડેજાએ ત્યારબાદ ગૌતમ ગંભીર સાથે પણ કંઈક વાત કરી. જાડેજાની વાત સાંભળ્યા બાદ ગંભીર પોતાનું હાસ્ય રોકી શક્યા નહીં અને ખડખડાટ હસી પડ્યા. ગંભીર સામાન્ય રીતે મેચ દરમિયાન ખૂબ ગંભીર અને ધ્યાનપૂર્વક જોવા મળે છે, તેથી તેમનો આ હસતો વીડિયો પણ ચર્ચામાં આવ્યો છે.
જાડેજાની કુલદીપ યાદવની નકલનો આ વીડિયો સોશિયલ મીડિયા પર પણ ઝડપથી વાયરલ થયો છે. ક્રિકેટ ચાહકોને ટીમ ઇન્ડિયાના ખેલાડીઓનો મેદાન બહારનો આ હળવો અને મજેદાર અંદાજ ઘણો પસંદ આવી રહ્યો છે.
Jadeja અને Kuldeep વચ્ચે સ્પિનની સારી જોડી
ભારતીય ટીમમાં Ravindra Jadeja લાંબા સમયથી મહત્વનો સ્પિન ઓલરાઉન્ડર રહ્યો છે. એક સમયે તેની અને રવિચંદ્રન અશ્વિનની જોડી ભારતીય ટીમની સૌથી ભરોસાપાત્ર સ્પિન જોડીમાં ગણાતી હતી. બંનેએ સાથે મળીને અનેક મેચોમાં વિરોધી ટીમના બેટ્સમેનોને મુશ્કેલીમાં મૂક્યા હતા.
અશ્વિનની નિવૃત્તિ બાદ ભારતીય ટીમમાં સ્પિન વિભાગમાં બદલાવ જોવા મળ્યો છે. હવે જાડેજા સાથે કુલદીપ યાદવ ઘણી વખત જોવા મળે છે. કુલદીપની અગાઉ યુઝવેન્દ્ર ચહલ સાથે પણ સારી જોડી હતી. બંનેએ મર્યાદિત ઓવરના ક્રિકેટમાં ભારત માટે ઘણી યાદગાર મેચો રમી હતી.
જોકે, છેલ્લા કેટલાક સમયથી ચહલને ભારતીય ટીમમાં રમવાની તક મળી નથી. તેના કારણે કુલદીપ સાથે જાડેજાની જોડી વધુ જોવા મળી રહી છે.
વૉર્મ-અપ મેચમાં કુલદીપે પણ કરી અસર
જ્યારે Ravindra Jadeja પોતાની મસ્તીથી ડ્રેસિંગ રૂમનું વાતાવરણ હળવું કરી રહ્યો હતો, ત્યારે કુલદીપ યાદવે મેદાન પર બોલિંગથી પોતાની અસર બતાવી હતી.
શ્રીલંકા ક્રિકેટ ઇલેવન સામેની ભારતની એકમાત્ર વૉર્મ-અપ મેચના પ્રથમ દાવમાં કુલદીપ યાદવે 76 રન આપીને બે વિકેટ ઝડપી હતી. શ્રીલંકા પ્રવાસ પહેલાં તેની બોલિંગ પર ટીમ મેનેજમેન્ટની નજર રહેશે.
ભારતીય ટીમ હાલમાં અનેક ખેલાડીઓની ઈજાની સમસ્યાનો સામનો કરી રહી છે. આવી સ્થિતિમાં ઉપલબ્ધ ખેલાડીઓની ફિટનેસ અને ફોર્મ ટીમ માટે ખૂબ મહત્વનું બની ગયું છે. શુભમન ગિલ પણ આંગળીની ઈજામાંથી સંપૂર્ણ રીતે બહાર આવી રહ્યો છે.
આવા સમયે જાડેજાએ ટીમના ડ્રેસિંગ રૂમમાં થોડો હળવો માહોલ બનાવી દીધો હતો. કુલદીપની મજેદાર નકલથી શરૂ થયેલી આ મસ્તીમાં ગૌતમ ગંભીર પણ જોડાઈ ગયા અને ગંભીર ચહેરે બેઠેલા કોચને હસતા જોઈને ટીમના વાતાવરણમાં પણ એક અલગ જ રંગ જોવા મળ્યો.
Related News
