India vs Pakistan મેચનો રોમાંચ ફરી એકવાર હોકીના મેદાન પર જોવા મળશે. 2026 FIH Men’s Hockey World Cup માટે પાકિસ્તાન હોકી ફેડરેશને પોતાની 20 સભ્યોની ટીમની સત્તાવાર જાહેરાત કરી છે. આ વખતે ટીમની કમાન નવા કેપ્ટન અબુ બકરને સોંપવામાં આવી છે. વર્લ્ડ કપ 15 ઓગસ્ટથી 30 ઓગસ્ટ 2026 દરમિયાન નેધરલેન્ડના એમ્સ્ટલવીન અને બેલ્જિયમમાં રમાશે.
પાકિસ્તાને ટુર્નામેન્ટ માટે ક્વોલિફાય કર્યા બાદ હવે વિશ્વની શ્રેષ્ઠ ટીમો સામે પોતાનું દમ બતાવવાની તૈયારી કરી લીધી છે. ખાસ કરીને India vs Pakistan મેચને લઈને ક્રિકેટ નહીં પરંતુ હોકી ચાહકોમાં પણ ભારે ઉત્સાહ જોવા મળી રહ્યો છે. બંને પરંપરાગત હરીફ દેશો 19 ઓગસ્ટે એકબીજા સામે મેદાનમાં ઉતરશે.
India vs Pakistan મેચ પર સૌની નજર
હોકી વર્લ્ડ કપમાં ભારત અને પાકિસ્તાન વચ્ચેની મેચ હંમેશાં ખાસ રહેતી આવી છે. બંને દેશો વચ્ચેની સ્પર્ધા માત્ર રમત પૂરતી મર્યાદિત નથી રહેતી, પરંતુ કરોડો ચાહકોની લાગણીઓ પણ તેની સાથે જોડાયેલી હોય છે. આ વખતે પણ 19 ઓગસ્ટે રમાનારી India vs Pakistan મેચ પૂલ-Dની સૌથી મોટી ટક્કર માનવામાં આવી રહી છે.
ભારત અને પાકિસ્તાન ઉપરાંત આ ગ્રુપમાં ઇંગ્લેન્ડ અને વેલ્સ જેવી મજબૂત ટીમો પણ સામેલ છે. તેથી દરેક મેચ બંને ટીમો માટે ખૂબ જ મહત્વની રહેશે.
અબુ બકરને સોંપાઈ ટીમની કમાન
પાકિસ્તાન હોકી ફેડરેશને થોડા દિવસ પહેલાં જ મોટો નિર્ણય લઈને અનુભવી ખેલાડી અમ્માદ બટ્ટ પાસેથી કેપ્ટનશીપ પરત લઈ અબુ બકરને નવા કેપ્ટન તરીકે જાહેર કર્યો હતો.
ફેડરેશને જણાવ્યું હતું કે આ નિર્ણય તેની પ્રોફેશનલ ડેવલપમેન્ટ કમિટીની ભલામણ બાદ લેવામાં આવ્યો છે. જોકે અમ્માદ બટ્ટને ટીમમાંથી બહાર કરવામાં આવ્યા નથી. તેઓ સિનિયર ખેલાડી તરીકે ટીમનો મહત્વનો ભાગ રહેશે અને પોતાના અનુભવથી યુવા ખેલાડીઓને માર્ગદર્શન આપશે.
ફેડરેશનને વિશ્વાસ છે કે અબુ બકરની આગેવાનીમાં અનુભવી અને યુવા ખેલાડીઓનું સંયોજન પાકિસ્તાનને વધુ મજબૂત બનાવશે.
2026 FIH Men’s Hockey World Cup માટે પાકિસ્તાનની 20 સભ્યોની ટીમ
પાકિસ્તાને જે 20 ખેલાડીઓની પસંદગી કરી છે તેમાં વકાર, મુહમ્મદ અબ્દુલ્લા, મુહમ્મદ સુફિયાન ખાન, મોઈન શકીલ, અબ્દુલ વહિદ અશરફ રાણા, અબ્દુલ હનાન શાહિદ, ઝકારિયા હયાત, અરશદ લિયાકત, આદિલ લતીફ, અહેમદ નદીમ, ગઝનફર અલી, ઈમાદ શકીલ બટ્ટ, મોહમ્મદ હમદુદ્દીન અંજુમ, રહેમાન અબ્દુલ, અફરાઝ, ઉમર મુસ્તફા, અબુ બકર મહમૂદ, અલી રઝા, અબ્દુલ મટન અને મુહમ્મદ ઈમાદનો સમાવેશ થાય છે.
ગોલકીપર
વકાર
અલી રઝા
ટીમ મેનેજમેન્ટમાં આંતરરાષ્ટ્રીય અનુભવ
પાકિસ્તાનની ટીમ સાથે અનુભવી કોચિંગ સ્ટાફ પણ જોડાયો છે.
ટીમ મેનેજર : મુહમ્મદ ઓવૈસ કરની
હેડ કોચ : બોબ જોહાન વેલ્ધોફ (નેધરલેન્ડ)
આસિસ્ટન્ટ કોચ : ક્રિસ્ટોફર જોન બોવેન (ગ્રેટ બ્રિટન)
આસિસ્ટન્ટ કોચ : અદનાન ઝાકીર
વીડિયો ટેકનિશિયન : અશરફ સુલતાન
વિદેશી કોચિંગ સ્ટાફના અનુભવનો લાભ ટીમને વર્લ્ડ કપ દરમિયાન મળી શકે તેવી આશા વ્યક્ત કરવામાં આવી રહી છે.
પાકિસ્તાનનો 2026 FIH Men’s Hockey World Cup શેડ્યૂલ
પાકિસ્તાન પોતાની પ્રથમ મેચ 15 ઓગસ્ટે ઇંગ્લેન્ડ સામે રમશે. ત્યારબાદ 17 ઓગસ્ટે વેલ્સ સામે ટકરાશે. ત્યાર પછી સમગ્ર વિશ્વની નજર જે મેચ પર રહેશે તે India vs Pakistan મેચ 19 ઓગસ્ટે રમાશે.
પૂલ-Dમાં સ્થાન મેળવનાર ચાર ટીમો આ પ્રમાણે છે.
ભારત
પાકિસ્તાન
ઇંગ્લેન્ડ
વેલ્સ
ગ્રુપ સ્ટેજમાં દરેક મેચનું મહત્વ ઘણું વધારે હોવાથી શરૂઆતથી જ બંને ટીમો જીત સાથે અભિયાન શરૂ કરવા ઇચ્છશે.
હોકી ચાહકો આતુરતાથી રાહ જોઈ રહ્યા છે
ભારત અને પાકિસ્તાન વચ્ચેની હોકીની હરીફાઈ વર્ષોથી વિશ્વભરમાં ચર્ચાનો વિષય રહી છે. બંને દેશોએ આંતરરાષ્ટ્રીય હોકીમાં અનેક યાદગાર મુકાબલા રમ્યા છે અને હવે 2026 FIH Men’s Hockey World Cupમાં વધુ એક ઐતિહાસિક મેચ જોવા મળશે.
તાજેતરમાં એશિયન લિજેન્ડ્સ લીગમાં પણ બંને દેશો આમને-સામને આવ્યા હતા, જેના કારણે હવે વર્લ્ડ કપમાં થનારી India vs Pakistan મેચને લઈને ચાહકોનો ઉત્સાહ વધુ વધી ગયો છે.
હવે જોવાનું રહેશે કે નવા કેપ્ટન અબુ બકરની આગેવાનીમાં પાકિસ્તાન કેવું પ્રદર્શન કરે છે અને 19 ઓગસ્ટે રમાનારી India vs Pakistan મેચમાં કઈ ટીમ જીતનો ઝંડો લહેરાવે છે.